Monday, 19 June 2017 | By: Menaga sathia

முடக்கத்தான் கீரை குழம்பு / Mudakathan Keerai (Balloon Vine) Kuzhambu | Kuzhambu Recipe

முடக்கத்தான் கீரையை மாதம் 2 முறை உணவில் சேர்த்துக் கொள்வது நல்லது.ஏற்கனவே முடக்கத்தான் கீரை சூப் பகிர்ந்துள்ளேன் . குறிப்பினை இங்கே  பார்க்கவும்.

தே.பொருட்கள்

முடக்கத்தான் கீரை - 1/2 கப்
புளிகரைசல் -2 கப்
சாம்பார் பொடி - 2 டேபிள்ஸ்பூன்
உப்பு -தேவைக்கு
நல்லெண்ணெய் -1/4 கப்
பூண்டுப்பல் -4
வெங்காயம் -1 (நீளவாக்கில் அரிந்தது)
கறிவேப்பிலை - சிறிது
வடகம் -2 டீஸ்பூன்

செய்முறை

முடக்கத்தான் கீரை

 * பாத்திரத்தில் முடக்கத்தான்    கீரையை  சிறிது நல்லெண்ணெயில் வதக்கி ஆறவைக்கவும்.

 *அதே பாத்திரத்தில் மீதமுள்ள எண்ணெய் ஊற்றி வடகம் சேர்த்து தாளித்து வெங்காயம்,பூண்டு, கறிவேப்பிலை சேர்த்து வதக்கவும்.
 *பின் சாம்பார் பொடி சேர்த்து லேசாக வதக்கி,உப்பு மற்றும் புளிகரைசல் சேர்த்து கொதிக்கவிடவும்.

*குழம்பு நன்றாக கொதிததும்,வதக்கிய கீரையை ஒன்றும்பாதியுமாகவோ அல்லது மைய அரைத்து குழம்பில் சேர்க்கவும்.

*நன்கு கொதித்து எண்ணெய் மேலே மிதந்து வரும்போது இறக்கவும்.
Wednesday, 14 June 2017 | By: Menaga sathia

குல்கந்த் /Homemade Gulkand Recipe | How To Make Gulkand

குல்கந்த் செய்வதற்கு பன்னீர் ரோஜாக்கள் வேண்டும்.இந்த ரோஜாக்களை அல்ஜீரியா தோழியின் வீட்டில் கேட்டபோது எனக்காக செடியில் பூத்திருந்த அனைத்து பூக்களையும் பறித்து கொடுத்தாங்க.
அவர்களும் இதனை என்ன செய்வீங்கன்னு கேட்டபோது இதனுடைய நன்மைகளையும்,குல்கந்த் செய்முறையும் சொன்னபோது அவர்களும் செய்வதாக சொன்னாங்க.

தே.பொருட்கள்
பன்னீர் ரோஜா இதழ்கள் - 4 கப்
நாட்டு சர்க்கரை -1 கப்

செய்முறை
*ரோஜா இதழ்களை தனிதனியாக பிரித்து நன்கு அலசி ஈரம்போக துணியில் உலர்த்தவும்.

*அதனை மிக்ஸியில் பல்ஸ் மோடில் ஒரு சுற்று சுற்றி எடுக்கவும்.
 *சுத்தமான பாட்டிலில் கொஞ்சம் ரோஜா இதழ்கள்+கொஞ்சம் சர்க்கரை என மாற்றி மாற்றி போட்டு மூடி வைக்கவும்.
*மறுநாள் பாட்டிலை வெயிலில் வைக்கவும்,மாலையில் நன்கு கிளறி விடவும்.

*இதே போல் 1 வாரம் வரை வைத்து எடுத்தால் குல்கந்த் ரெடி!!
Thursday, 1 June 2017 | By: Menaga sathia

கத்திரிக்காய் சட்னி /Brinjal Chutney | Side Dish For Idli& Dosa

தே.பொருட்கள்
சிறிய கத்திரிக்காய் -1/4 கிலோ
வெங்காயம் -1
தக்காளி -1
பச்சை மிளகாய் -3
புளி - பெரிய நெல்லிக்காயளவு
உப்பு - தேவைக்கு
மஞ்சள்தூள் -1/4 டீஸ்பூன்

தாளிக்க
எண்ணெய் -1 டீஸ்பூன்
கடுகு -1/2 டீஸ்பூன்
கறிவேப்பிலை -சிறிது
காய்ந்த மிளகாய் -1

செய்முறை
*கத்திரிக்காயை பொடியாகவும்,வெங்காயம்+தக்காளியும் நறுக்கி வைக்கவும்.
*பாத்திரத்தில் அனைத்தும் சேர்த்து உப்பை தவிர நீர் ஊற்றி வேகவைக்கவும்.

 *வெந்ததும் சட்டி அல்லது மிக்ஸியில் வேகவைத்த நீரை வடிகட்டி கடைந்துக் கொள்ளவும்.

*கெட்டியாக இருந்தால் தேவைக்கு வேகவைத்த நீரை சேர்த்து கலக்கவும்.
*பின் தாளிக்க கொடுத்துள்ள பொருட்கள் உப்பு சேர்த்து கலந்து இட்லி/தோசையுடன் பரிமாறவும்.
Sunday, 21 May 2017 | By: Menaga sathia

வெண்டைக்காய்&பாகற்காய் வத்தல் / Okra & Bittergourd Vathal | Summer Spl

வெண்டைக்காய் மற்றும் பாகற்காய் வத்தல் செய்யும் போது தயிர் சேர்த்து செய்ய வேண்டும்.
வெண்டைக்காயில் தயிர் சேர்ப்பது அதன் கொழகொழப்பு தன்மையை நீக்கும்.பாகற்காயில் தயிர் சேர்ப்பது வாசனையாகவும்,கசப்பில்லாமலும் இருக்கும்.
பாகற்காய் வத்தல் சேர்த்து குழம்பு செய்யும் போது அதனுடன் வேறு காய் வத்தல் சேர்த்து செய்ய வேண்டாம்.

தே.பொருட்கள்
வெண்டைக்காய் -1/4 கி
பாகற்காய் -1/4 கி
புளித்த தயிர்  - 1 கப்
உப்பு-தேவைக்கு

செய்முறை

*காய்களை கழுவி வெண்டைக்காயை நடுத்தர துண்டுகளாகவும்,பாகற்காயை வட்டமாகவும் நறுக்கவும்.

*நான் மிதி பாகற்காயில் செய்துள்ளேன்,பெரிய பாகற்காயில் செய்யும் போது நறுக்கும் போது விதைகளை நீக்கவும்.

*நறுக்கிய வெண்டைக்காயினை மட்டும் 1 நாள் முழுக்க வெயிலில் காய வைக்கவும்.

*தயிரை உப்பு சேர்த்து நன்கு கடைந்துக் கொள்ளவும்.

*மாலையில் காய வைத்த வெண்டைக்காயில் கடைந்த 1/2 கப் தயிர் சேர்த்து ஊறவைக்கவும்.

*பாகற்காயில் மீதி 1/2 கப் தயிர் சேர்த்து கலக்கி 1 நாள் ஊறவைக்கவும்.

*மறுநாள் வெயிலில் காய்களை மட்டும் எடுத்து காயவைக்கவும்.மாலையில் திரும்ப தயிரில் ஊறபோடவும்.

*இதே போல் தயிர் வற்றும் வரை செய்து பின் நன்கு வெயிலில் காயவைத்து எடுத்து வைக்கவும்.

*காய்கள் இல்லாத சமயத்தில் இந்த வத்தல் போட்டு குழம்பு செய்யலாம்.


Wednesday, 26 April 2017 | By: Menaga sathia

உப்பு (அட ) மாங்கா /Uppu (Ada )Manga | Summer Spl

போன வருடம் ஊருக்கு சென்றிருந்த போது மாமியார் இந்த அட மாங்காயை கொடுத்தாங்க.அவங்க செய்யும் போது பார்த்தாலும் படம் எடுக்கவில்லை.

இது எனக்கு ரொம்ப பிடிக்கும்,அப்படியே கூட சாப்பிடலாம்,மோர் குழம்பு ,வத்தல் குழம்பு,பச்சடி என செய்யலாம்.

இந்த மாங்காயின் கொட்டையை குழம்பு வைக்கலாம்.உடம்புக்கு மிக நல்லதும் கூட...

இதில் உப்பு அதிகம் இருப்பதால் குழம்பில் உப்பின் அளவை குறைத்து போடவும்.

வத்தல்களில் உப்பு தான் ப்ரிசர்வேடிவ் என்பதால் உப்பினை அதிகம் போடவும்.

தே.பொருட்கள்

கிளி மூக்கு மாங்காய்-  5
கல் உப்பு - தேவைக்கு
மஞ்சள்தூள் -1 டேபிள்ஸ்பூன்

செய்முறை
*மாங்காயை கழுவி நன்கு துடைத்து பக்கவாட்டில் முக்கால் பாகம் வரை நறுக்கவும்.

*எப்படி என்று மேலிருக்கும் படத்தை பார்த்தால் புரியும் என நினைக்கிறேன்.

*கல் உப்பு,மஞ்சள்தூள் இரண்டையும் ஒன்றாக கலந்து வைக்கவும்.

*உப்பு கலவையை நறுக்கிய மாங்காயில் நங்கு அடைத்து வைக்கவும்.இப்படியே அனைத்து மாங்காயில் செய்த பின் பீங்கான் ஜாடி அல்லது பானையில் வைத்து மெல்லிய துணியால் மூடி வைக்கவும்.

*இப்போழுது மறுநாள் மாங்காய்  நங்கு ஊறி நீர் விட்டிருக்கும்.

*தனியாக மாங்காயினை மட்டும் தட்டில் வைத்து வெயிலில் காய்வைக்கவும்.மாங்காய் ஊறவைத்த பானையும் நீரோடு ,துணியால் மூடி வெயிலில் வைக்கவும்.

*மாலையில் திரும்ப மாங்காயினை பானையில் போட்டு எடுத்துவைக்கவும்.இதே போல் நீர் வற்றும் வரை செய்த பின் மாங்காய் வெளிர் பச்சை நிறத்தில் இருக்கும்.

*இதனை மீண்டும் நன்கு காயவைத்து எடுத்து பத்திரபடுத்தவும்.அதாவது  மாங்காயை ஆட்டினால் உள்ளிருக்கும் கொட்டை சத்தம் கேட்க வேண்டும்.

மாந்தோல் குழம்பு 
மாம்பருப்பு குழம்பு

Tuesday, 11 April 2017 | By: Menaga sathia

பிடி கருணை கருவாட்டு குழம்பு/ Pidi Karunai Karuvattu(Dry Fish )Kuzhambu

தே.பொருட்கள்
பிடி கருனை -1/4 கிலோ
கருவாடு - 5 துண்டுகள்
நறுக்கிய வெங்காயம் -1
பூண்டுப்பல் -8
சாம்பார் பொடி -1 டேபிள்ஸ்பூன்
புளிபேஸ்ட் - 2 டேபிள்ஸ்பூன்
தக்காளி -1
உப்பு-தேவைக்கு

தாளிக்க
எண்ணெய் -1டேபிள்ஸ்பூன்
வடகம் -2 டீஸ்பூன்
கறிவேப்பிலை -1 கொத்து

செய்முறை
*பிடிகருணையை மண்ணில்லாமல் நன்கு கழுவி தேங்காய் ஒடு சேர்த்து 3 விசில் வரை வேக வைக்கவும்.

*தேங்காய் ஒடு சேர்த்து வேகவைப்பது கருணை கிழங்கு அரிப்பில்லாமல் இருக்கும்.

*புளிபேஸ்டினை 2 கப் நீர் ஊற்றி உப்பு,தக்காளி,சாம்பார் பொடி சேர்த்து கரைத்து வைக்கவும்.

*பாத்திரத்தில் தாளிக்க கொடுத்துள்ள பொருட்களை சேர்த்து தாளித்து வேங்காயம்,பூண்டு சேர்த்து வதக்கவும்.
*புளிகரைசலை ஊற்றி கொதிக்கவிடவும்.
*நன்கு கொதித்தபின் சுத்தம் செய்த கருவாடு,வேகவைத்த கிழங்கினை துண்டுகளாக அரிந்து சேர்த்து மேலும் சிறிது நேரம் கொதிக்கவிடவும்.

பி.கு
*நான் சேர்த்திருப்பது வஞ்சிரம் கருவாடு.

*கருவாடு சேர்க்காமல் இதேபோல் பிடிகருணை காரகுழம்பு செய்யலாம்.

*பிடிகருணை சேர்க்கும்போது வேறு எந்தகாயும் சேர்க்கவேண்டாம்.
Tuesday, 4 April 2017 | By: Menaga sathia

சுண்டைக்காய் வத்தல் /Sun Dried Turkey Berry(Sundakkai) Vathal | Summer Spl

 சுண்டைக்காய் உடலுக்கு மிகவும் நல்லது,ஏராளமான பயன்கள் கொண்டது.இணையத்திலிருந்து எடுத்த சில பயன்களை இங்கே குறிப்பிடுகிறேன்.

இருமலுக்கு - 2 டீஸ்பூன் சுண்டைக்காய் வத்தலை நெய்யில் வறுத்து பொடித்து,தினமும் 2 வேளை 1/2 டீஸ்பூன் சாப்பிடலாம்..
தலைவலிக்கு - சுண்டைக்காய் வத்தலை பொடித்து தினமும் இதனை  முகர்ந்தால் சரியாகும்.
வயிற்றுவலிக்கு - 5-6 சுண்டைக்காய் வத்தலை நெய்யில் பொரித்து சாப்பிட்டால் சரியாகும்.
இரத்தசோகைக்கு -2 டீஸ்பூன் சுண்டைக்காய் வத்தலை நெய்யில் வறுத்து பொடித்து,தினமும் 3 வேளை 1/4 டீஸ்பூன் சாப்பிடலாம்.

தே.பொருட்கள்
ப்ச்சை சுண்டைக்காய் -3 கப்
தயிர் - 2கப்
உப்பு -தேவைக்கு

செய்முறை
*பச்சை சுண்டைக்காயின் காம்பினை நீக்கி கழுவவும்.
*இதனை இடிப்பானில் லேசாக நசிக்கியோ அல்லது கத்தியில் கீறியோ வைக்கவும்.
*தயிரை கட்டியில்லாமல் நன்கு கடைந்து உப்பு சேர்த்து 1/2 கப் நீர் ஊற்றி சுண்டைக்காயை 1 நாள் ஊறவிடவும்.
*மறுநாள் வெயிலில் சுண்டைக்காயினை மட்டும் தட்டில் வைத்து காயவைக்கவும்.
*மோரினை வெயிலில் வைக்ககூடாது,மாலையில் திரும்பவும் மோரில் ஊறவைக்கவும்.

*இதேபோல் மோர் வற்றும் வரை செய்து பின் வெயிலி நன்கு காயவைத்து எடுத்து வைக்கவும்.

*வத்தகுழம்பு செய்தால் நன்றாக இருக்கும்.குறிப்பினை இங்கே பார்க்கவும்.

*இதே போல் மணத்தக்காளி காயில் செய்யலாம்,அப்படி செய்யும் போது நேரடியாகவே தயிரில் ஊறவைத்து காயவைக்கவும்.நசுக்கி போட தேவையில்லை.

*தயிரில் ஊறவைத்து போடுவது வாசனையாக இருக்கும்.
Friday, 31 March 2017 | By: Menaga sathia

சிறு கீரை பருப்பு கடையல்/ Siru Keerai(Tropical Amaranth Leaves) Paruppu Kadaiyal | Keerai Recipes

 சிறு கீரையின் பயன்கள்
*மஞ்சள் மற்றும் சிறுகீரையை அரைத்து பற்று போடுவதால் முகப்பருவின்புள்ளிகள் மறையும்.

*சிறுநீரககோளாறு,கண்பார்வை குறைவாக  உள்ளவர்கள் இந்த கீரை சாப்பிடுவதால் உடனடி நிவாரணம் கிடைக்கும்.

இதில் பொரியல்,கூட்டு ,பருப்பு சேர்த்து கடையல் மற்றும் புளி சேர்த்து கடையல் செய்யலாம்.

இப்போழுது இதில் பருப்பு சேர்த்து கடையல் எப்படி செய்வது என்று பார்க்கலாம்.

தே.பொருட்கள்
சிறுகீரை - 1 கட்டு
வெங்காயம் -1 சிறியது
பூண்டுப்பல் -4
பச்சை மிளகாய் -2
பாசிப்பருப்பு -1/3 கப்
உப்பு-தேவைக்கு

தாளிக்க
எண்ணெய் -1 டீஸ்பூன்
வடகம் -2 டீஸ்பூன்
காய்ந்த மிளகாய்-1

செய்முறை
*கீரையை சுத்தம் செய்து நன்கு அலசி வடிகட்டி வைக்கவும்.

 *பாத்திரத்தில் பருப்பு+நறுக்கிய வெங்காயம்+பூண்டு+பச்சை மிளகாய் சேர்த்து வேகவைக்கவும்.

*பாதியளவு பருப்பு வெந்ததும் கீரையை சேர்த்து வேகவைக்கவும்.

*கீரை வெந்ததும் கீரைகடையும் சட்டியில் ஊற்றி தாளிக்க கொடுத்துள்ள பொருட்களை சேர்த்து தாளித்து உப்பு சேர்த்து மத்தினால் மைய கடையவும்.


*இந்த கீரையில் பருப்பு எவ்வளவு சேர்க்கிறோமோ அந்தளவு ருசியாக இருக்கும்.
Sunday, 26 March 2017 | By: Menaga sathia

வெங்காய ராய்த்தா/ Onion Raita | How To Make Perfect Onion Raita For Biryani/Pulao

 வெங்காய ராய்த்தா செய்முறை அனைவரும் அறிந்ததே..தயிர் ,வெங்காயத்துடன் ப்ரெஷ் க்ரீம் சேர்த்து செய்வது ராய்த்தா மிக நன்றாக இருக்கும்.

தே.பொருட்கள்
வெங்காயம் - 2 பெரியது
புளிப்பில்லாத தயிர் - 2 கப்
ப்ரெஷ் க்ரீம் - 1/4 கப்
உப்பு - தேவைக்கு
சர்க்கரை - 2 டீஸ்பூன்
கேரட் -1
பொடியாக நறுக்கிய கொத்தமல்லிதழை -சிறிதளவு

செய்முறை
*தயிர்,உப்பு,சர்க்கரை சேர்த்து  நன்கு கடைந்துக் கொள்ளவும்.

*கேரட்டை துருவிக் கொள்ளவும்.

*வெங்காயத்தை நீளவாக்கில் மெலிதாக நறுக்கவும்.

*அனைத்தையும் ஒன்றாக கலந்து பிரியாணி/புலாவ் உடன் பரிமாறவும்.
Thursday, 23 March 2017 | By: Menaga sathia

பச்சை கத்திரிக்காய் சென்னாகுன்னி பொரியல்/ Green Brinjal Sennakunni(Dried Baby Shrimps ) Poriyal

 சென்னாகுன்னி என்பது காய்ந்த இறால்,இதனை கத்திரிக்காயுடன் சேர்த்து பொரியல் செய்தால் மிக நன்றாக இருக்கும்.

தே.பொருட்கள்
சென்னாகுன்னி - 1/4 கப்
பச்சை கத்திரிக்காய் -1/4 கிலோ
வெங்காயம் -1
சாம்பார் பொடி -2 டீஸ்பூன்
எண்ணெய் -1 டேபிள்ஸ்பூன்
கறிவேப்பிலை -1 கொத்து
வடகம் -1 டீஸ்பூன்
உப்பு-தேவைக்கு

செய்முறை
*வெறும் கடாயில் சென்னாகுன்னியை வாசனை வரும் வரை வறுத்து சுத்தம் செய்துக் கொள்ளவும்.
 *பாத்திரத்தில் எண்ணெய் ஊற்றி வடகம் +கறிவேப்பிலை சேர்த்து தாளித்து வெங்காயம் சேர்த்து வதக்கவும்.
*நறுக்கிய கத்திரிக்காய்,சாம்பார் பொடி,உப்பு சேர்த்து வதக்கி தேவைக்கு நீர் ஊற்றி வேகவைக்கவும்.


*கத்திரிக்காய் வெந்ததும் சுத்தம் செய்த சென்னாகுன்னியை சேர்த்து நன்கு கிளறி இறக்கவும்.
Monday, 27 February 2017 | By: Menaga sathia

தரைபசலைக் கீரை கடையல் / Tharai Pasala Keerai Kadaiyal | Keerai Recipes


பசலைக்கீரையில் கொடி பசலை மற்றும் தரைபசலை என இருவகைகள் உண்டு.தரை பசலைக்கீரையை கடையல் மட்டுமே செய்ய முடியும்.

இதனை தனியாகவோ அல்லது மற்ற அனைத்துவகை கீரைகளுடன் கலந்து சேர்த்து கடையலாம்.

தரைபசலையுடன் அனைத்துகீரையும் சேர்ந்து இருப்பதால் இதனை கலவை கீரை என்றும் சொல்வார்கள்.

இந்த ரெசிபியில் தரைபசலையுடன் அனைத்து கீரையும் கலந்து சேர்த்து கலைந்துருக்கேன்.

தே.பொருட்கள்

கலவை கீரை - 4 கப்
தக்காளி -1 பெரியது
பூண்டுப்பல் - 4
பச்சைமிளகாய் - 3
உப்பு - தேவைக்கு

தாளிக்க
எண்ணெய் -1 டேபிள்ஸ்பூன்
வடகம் -2 டீஸ்பூன்
காய்ந்த மிளகாய் -2
கலவைக்கீரை

செய்முறை

*கலவை கீரையை சுத்தம் செய்து நன்கு அலசிக் கொள்ளவும்.

*பாத்திரத்தில் கீரை+தக்காளி+பூண்டு+பச்சைமிளகாய் என தேவையான நீர் சேர்த்து வேகவிடவும்.

*கீரை வெந்ததும் கீரை கடையும் சட்டியிலோ அல்லது மிக்ஸியிலோ உப்பு சேர்த்து கடையவும்.

*தாளிக்க கொடுத்துள்ள பொருட்களை சேர்த்து தாளித்து கீரையில் கலந்து மறுபடியும் நன்றாக கடைந்து பரிமாறவும்.

*காரகுழம்புடன் சாப்பிட நன்றாக இருக்கும்.
Monday, 13 February 2017 | By: Menaga sathia

முடக்கத்தான் கீரை சூப் /Mudakathan Keerai (Balloon Vine) Soup | Soup Recipes

 முடக்கத்தான் கீரையை மாதம் 2 முறை உணவில் சேர்த்துக் கொண்டால் முட்டுவலி,நரம்பு தளர்ச்சி வராது.

இந்த கீரை லேசாக கசப்பு தன்மை கொண்டது.இதனை சூப் போல் குடித்தால் சளி,இருமல் சீக்கிரம் குணமடையும்.

தலைமுடி நன்கு வளரவும் இதனை உபயோகிக்கலாம்.

தே.பொருட்கள்
முடக்கத்தான் கீரை - 1 கப்
மிளகு,சீரகம் -  தலா 1 டீஸ்பூன்
பூண்டுப்பல் -4
நெய் -1 டீஸ்பூன்
நீர் --3 கப்
உப்பு-தேவைக்கு
முடக்கத்தான் கீரை

செய்முறை

*மிளகு+சீரகம்+பூண்டு இன்றிரண்டாக பொடித்துக் கொள்ளவும்.

*பாத்திரத்தில் நெய் விட்டு பொடித்த மிளகு சீரகத்தினை போட்டு லேசாக வதங்கியதும் சுத்தம் செய்த கீரையை போட்டு வதக்கவும்.


 *3 கப் நீர் ஊற்றி கொதிக்கவிடவும்.
 *பாதியளவு நீர் சுண்டியதும் உப்பு சேர்த்து இறக்கவும்.
*லேசாக கீரையை மசித்து வடிகட்டி சூடாக பருகவும்.
Thursday, 9 February 2017 | By: Menaga sathia

பிடி கருணை மசியல் / Pidi Karunai Masiyal | Karunai Kizhangu Masiyal

 30 நாள் வெஜ் லஞ்ச் மெனுவில் சேனை கிழங்கில் மசியல் செய்துருப்பேன்.சேனை கிழங்கை விட  பிடி கருணை மசியல் நன்றாக இருக்கும்.

பிடி கருணையின் அரிப்பு தன்மையை போக்க வாங்கியதும் உடனே சமைக்காமல் 2 வாரம் கழித்து சமைத்தால் அரிப்பு இருக்காது.

மேலும் இதனை வேக வைக்கும் போது தேங்காய் ஒடு சேர்த்து வேகவைத்தாலும் அரிப்பு இருக்காது என்பது என் அம்மாவின் டிப்ஸ்.

இந்த குறிப்பினை முகநூல்  பானுமதி மாமியிடம் கற்றுக்கொண்டேன்.

தே பொருட்கள்
பிடிகருணை - 6
சிறிய தேங்காய் ஒடு - பிடிகருணை வேகவைக்க
பொடியாக நறுக்கிய பச்சை மிளகாய் - 2
பொடியாக நறுக்கிய இஞ்சி - 1 டீஸ்பூன்
மஞ்சள்தூள் - 1/4 டீஸ்பூன்
எலுமிச்சை சாறு - 2 டீஸ்பூன்
உப்பு - தேவைக்கு

தாளிக்க
நல்லெண்ணெய் - 1 டீஸ்பூன்
கடுகு -1/2 டீஸ்பூன்
உளுத்தம்பருப்பு -1/2 டீஸ்பூன்
பெருங்காயத்தூள் -1/4 டீஸ்பூன்
கறிவேப்பிலை - 1 ஈர்க்கு

செய்முறை
*பிடி கருணையை மண்ணில்லாமல் கழுவி தேங்காய் ஒடு சேர்த்து குக்கரில் 2 விசில் வரை வேகவிடவும்.

*வெந்ததும் தோலுரித்து கட்டியில்லாமல் மசித்துக் கொள்ளவும்.
 *பாத்திரத்தில் எண்ணெய் ஊற்றி தாளிக்க கொடுத்துள்ள பொருட்களை சேர்த்து தாளித்து பச்சை மிளகாய்,இஞ்சி,மஞ்சள்தூள் சேர்த்து வதக்கவும்.
 *பின் மசித்த கருணை,உப்பு சேர்த்து தேவையானளவு நீர் சேர்த்து கொதிக்கவிடவும்.
*லேசாக கொதித்ததும் எலுமிச்சை சாறு சேர்த்து இறக்கவும்.

பி.கு
*இதனை சாதத்தில் சேர்த்து  வறுவலுடன்  சேர்த்து சாப்பிடலாம்.அல்லது பக்க உணவாக காரகும்புடன் சேர்த்து சாப்பிடலாம்.

01 09 10